كثير من الشباب الكيوت الغير محتسب على أي تيار يميني يزعق هذه الأيام
تحت وطأة أزمة
 |
| صورة ارشيفية من احداث ثورة يناير |
اقتصادية جراء سياسات فاشلة من النظام الحاكم بمطالبات لثورة جديدة
، الأصوات بدأت ترتفع لان ببساطة الغلاء طال جيوب الجميع فيما عدى طبقة الكريمة
المجتمعية والتي عرفت كيف تناور بعيدا عن أثارها .
أجيال كاملة لم تتعلم كيفية البحث عن حل المشكلة وبالتالي وصلنا
لما نحن علية .
فجأة تذكرت كل ما هو كان من جمعة قندهار 1 و 2 ، الشعب يريد تطبيق شرع
الله بعدما لم نسمع
 |
| صورة ارشيفية من جمعة قندهار |
عن شرع الله وتطبيقه إلا بعد يناير 2011 .
و ييجى واحد صايع مالوش تلاتين لازمة يتكلم على الجيش بأمارة ايه؟،
خالد عبدالله اكبر بوق اعلامى يميني في فترة ما بعد ثورة يناير.
جملة جيمس كاميرون : لا تحدثنى عن حقوق الإنسان طالما يتعلق الأمر بالأمن
القومي ، والتي سمعتها شخصيا من أكثر من شخص منتمى لتيار يميني وقت ما يحلوا له .
الشرعية في البرلمان وقت مطالبة شباب الثورة بانتقال الحكم إلى
البرلمان المصري المنتخب " حينها " ورفض جماعة الإخوان المسلمين تحديدا
لهذا الأمر واتهام المتظاهرين بالهجوم على البرلمان المنتخب تحت هذا المسمى عشان
حاقدين على نتيجة الانتخابات ومن ثم حشد شعبي اخوانى سلفى جهادى للوقوف أمام
الثوار فيما يعرف بموقعة البرلمان الأولى .
صفوت حجازى متحديا أجهزة الدولة «اللى حيرش مرسى بالمية حرشه
بالدم» صفوت فى افضل احواله على منصة رابعة «اللى حيرش الجيش المصرى بالمية حنرشه
بالدم» صفوت برضك منذ سنة ونصف بالضبط من منصة رابعة .
وطبعا مش هاندخل في حوار الاتحادية عشان عيب علية الكلام اصلا
خصوصا انى كنت شاهد علية .
تاريخ الأعوام الماضية لا يخفى على احد مجرد محتاج تنشيط لعقول تُدمن
النسيان وليس محل حديثنا هنا غير مقدمة ، وماذا بعد السيسي وكمقدمة بدئنا بما سبق
.
الناظر للوضع العام قبل ثورة يناير يجد أن الداخلية متصدرة للمشهد
عن جدارة وتحمل معظم ملفات الدولة وتتصدى لها ، مشكلة انقطاع المياه ، الخبز ،
المعاشات ... الخ ، زق الداخلية يا بني عشان الأمن وبالتالي الوضع كله انهار فوق
الداخلية وشالت اوبح اكتر من اى وزارة ثانية ، بس كان في جيش حينها واقف على الأقل
في المنظور العام حيادي .
انهيار الداخلية تسبب في التالي ، تفشى البلطجة وانهيار منظومة الأمن
وظهور طرف ثالث الله اعلم بمكنونة ، زعزعة كبيرة للأمن في شرق مصر وغربها بشكل من عاشه
يكاد يحلف يمين طلاق أنهم مدبرين له لكن لا مجال هنا عن مكائد ومؤامرات نحن هنا عن
أحداث وحقائق ونتائج مباشرة .
لن نخفى ان هناك مستفيدين كثر من استمرار الأمور كما كانت تسير من
قبل 30 عام ، أكل عيشة ، هيخاف علية حتى لو على حساب موت غيرة و بالتالي هناك
طابور طويل كبير عريض من البشر عايزين اكل عيشهم دة يستمر وهما بكل أسف من أقطاعين
البلد إلى يقدر يصرف لكل واحد ألف جنية يوميا عشان يعمل حاجة معينة ، وطبعا في ناس
هتقبل تعمل أي حاجة عشان تاخد المبلغ ده حتى لو على حساب مستقبل مصر ، وبما إن
عندك قوة ثانية معاها فلوس ودخلت 4 انتخابات متوالية وصرف زيت وسكر وفلوس تبين
مقدار الأموال الممتلكة فبالتالي بحسبة بسيطة حضرتك عندك في مصر قوتين معاهم فلوس
ضد اتجاهات بعض ويقدروا يعملوا كثير اوى بس النتائج كارثِة مش على مصر وبس ، على
المنطقة كلها ، بس مش ده المهم ، المهم وضع ثاني خالص .
الجيش المصري
منذ ظهور توجه ومزاج عام بترشح القائد الأعلى إلى جابه مرسى ساعتها
للانتخابات الرئاسية وقلت طبلت وربنا يستر ، ترشح السيسي حينها كان خطأ من اكبر أخطاء
القوة العسكرية فيما يظهر حينها عكس ذلك تماما وان البلد محتاجه " دكر "
يحكمها في خضم الصراع الموجود جواها ، بس الموضوع اكبر من حد يقدر يحكمها وبس ،
لان إلى شال اوبح في يناير لازم يتعلم يوزع مهام الاوبح دي عشان الضغط علية يخف في
اى مواجهات ، عشان يفضل حيادى يقدر يدخل وقت الأزمة الى بجد ، تقول بقى مخطط تقول
مؤامرة تقول إلى تقوله بس اهو فخ ووقعنا فيه .
القيادة العسكرية غير مؤهلة بالمرة بقيادة سياسية ، داخلين على 60
سنة حكم عسكر اهو ومشفناش يومين حلوين ، لا تقدم صناعي ولا تجارى ولا زراعي ولا
حتى عسكري بالمعنى إلى نقدر نقول علية تقدم بجد ، دولة نامية يا باشا وعمالة في
النازل ، ببساطة إلى أتدرب يحرس مستحيل يحكم ، تفهم في مين محدش هيفهم لكن المهم
الوضع الراهن .
الجيش استلم السلطة مرة أخرى في البلد ، شئت أم أبيت ، ضد أو مع ،
مدافع أو مهاجم ، لازم تعترف أن الجيش استلم السلطة مرة ثانية زى أيام مبارك وجمال
عبد الناصر والسادات ، لا وكمان قام بادوار أخرى تاتش المرحلة الحالية زيادة في
نسبة حكم المحافظات ، تموين ، صحة ، زراعة ، صناعة ، تجارة ، خبز ، لبن اطفال ، تعليم ... الخ ، كلنا عارفين يعنى الوضع
مش محتاج نفتكر أحنا فيه أساسا وبكل أسف تزامن مع عودة الإقطاعيين المستفزين لأي
حد عاقل ذو بصيرة ، الإقطاعي ميهموش غير يطبل وبس ، شغلى ماشى زي الفل يبقى الكل يتحرق ويستمر
الضغط في انفلات او احتكار اقتصادي حقيقي .
طيب هيحصل أية يعنى لو عملنا ثورة ثانية
الجيش هيشيل اوبح بس المرادى مش الجيش ، البلد كلها ها تشيل اوبح ،
كون انك تولع في الداخلية مرة وتلاقى إلى يطفيها بسرعة حاجة وكون انك تولع في
الجيش حاجة ثانية خالص ومتقوليش سوريا والعراق الموقف اخطر من دة بكثير ، ومترجعش
تقولى مؤامرة عشان حضرتك مش شايف غير تحت رجلك .
لو افترضنا ببساطة المجندين والعساكر والضباط هيسيبوا أماكنهم عشان
قلبهم الرهيف يبقى علية العوض بعد كده في الجيش كله .
طيب هناك طبعا فرضية إن الجيش يقف بالمرصاد لأي محاولة لتغير نظام
الحكم أو الاعتراض حتى علية ، لكن هنفترض طبعا إن حصل ووقف الجيش على الحياد وأعاد
موقفة في ثورية يناير 2011 هيبقى قدامك سيناريو من اثنين يا جميل ، عودة التيار
اليميني وبقوة عن السابق أو على أحسن واجمل الظروف الكيوت والوردي استلام الثوار
مقاليد الحكم بس خلى بالك في صراع قائم لسه لان عندك قوتين واحدة منهم مسعورة عليك وعلى
الكل وان جاتلها الفرصة ها تقتلك بكل راحة نفسية وهناك الف مبرر لقتلك وتصفية كل
من يخالفها بالشرع والدين وكفاية النار إلى جواها من رابعة ولو حلفت ميت يمين عظيم
إن أنت ضد تصفية رابعة بهذا الشكل مش هتتصدق ، والثانية خايفه على مصالحها وإما
تقف وتواجهك المرادى او تهرب من البلد بكل فلوسها ، انسى اقتصاد خالص بعد المحاولة
دي حتى إن نجحت في أقناع كل الأطراف تقعد في البلد ودة مستحيل.
من
مصلحتك طبعا الطرفين ميتحدوش مع بعض ضد طرف تانى تحت اى مسمى الوضع العام هيبقى
جحيم في مصر .
طبعا
أن يحصل سيناريو حميد واستلام طرف وسطى مابين الجميع تنساه محدش هيسيبك لان أصلا
معندكش لا القوة الاقتصادية لدة ولا الشارع مع الطرف الوسطى ، الصراع حول السلطة
من طرفين واى طرف اخر خارج الضوء ومش موجود أصلا .
يبقى
انت قدامك حاجة من أتنين يا انهيار الجيش المصري يا انهيار الشعب المصري ، ايوة
تتخيل وصلنا ان الاثنين بقوا حاجتين مختلفتين ، دة غباء الصراع الحاصل دلوقت ،
والدب هيبقى عيني عينك ودخول اطراف خارجية برضو هتبقى عيني عينك .
وان
افترضنا ان الوضع محصلش فيه كل ده وانتخابات طبيعية حصلت وديمقراطية من أول وجديد
" مع فقد جزء مهم من الشعب في اى ثقة جراء الى حصل في السنوات الماضية "
، الى جي مش هيبقى عنده القوة للسيطرة على الجيش الا بمساعدة ناس من داخل الجيش نفسه
وده نسبة حدوثه ضعيفة جدا ما هو لو فيهم خير مكنش اترشح حد منهم ، عودة الإقطاعيين
اما للتطبيل في ناحية او تهييج الشعب في ناحية ثانية او الضغط على الدولة بسحب
الاستثمارات ، طبعا محدش ينسى الاتجاه اليميني شخصيا متوقع منهم كل أمور العنف الى
ممكن تتخيلها " سلمية ماتت يا جميل "
.
فماذا
بعد السيسي .
الشاهد
ان الوضع الحالي سنترحم علية فيما بعد السيسي ان تم نزعة بالقوة ، كل الحسابات
بتؤكد ان فترة لا يعلمها الا الله سندور فيها من اضطرابات تلتهم الأخضر واليابس ،
كل الأمور هتقف ، مفيش كبير هيبقى للبلد ، أقطاب تستحوذ على مجريات أمور العباد ،
مصر هتختلف عن ما إحنا عرفِنه في العصر الحديث ، هنرجع لاسود أيام المماليك من
تانى ودي حقبة محدش في الشعب كله فاكرها مع أنها قريبة بالمقارنة بتاريخ بلد تعيش
منذ أكثر من 10 ألاف عام .
خلى
بالك عشان تخرج من الموضوع دة ان حصل لازم يحصل اعادة احتلال من جديد ، بتعيد نفس
التاريخ من جديد بأسلوب فعلا فج وممل ، خلوا السيسي وجودة في أسوأ حكمة أفضل 100
مرة من نزعة بالعنف ، لان ببساطة خلعة هيختلف عن خلع مبارك ومرسى ، المرادى المصريين
كلهم على المحك ؟!
وربنا
يهدى الجميع .
